Տէր Տաթեւ Աւ. Քհնյ. Միքայէլեան
Բարձր Տնօրինութեամբ` Գերշ. Տ. Բաբգէն Սրբ. Արք. Չարեանի եւ համագործակցութեամբ Եկեղեցւոյս Հոգաբարձութեանց եւ Ազգային Վարչութեան անդամներու, Արժ. Տ. Տաթեւ Աւ. Քհնյ. Միքայէլեան կը նշանակուի Ծխատէր Քահանայ եւ Օգնական Հովիւ Թորոնթոյի Ս. Աստուածածին Եկեղեցւոյ:
Աւազանի անունով Ներսէս, ան ծնած է Հալէպ 1959-ին: Յաճախած Ազգ. Զաւարեան վարժարանը: 1983-ին ընդունուած ` Մեծի Տանն Կիլիկիոյ Կաթողիկոսութեան դպրեվանքի Քահանայից դասարան եւ 1985-ին Սարկաւագ ձեռնադրուած դպրեվանքի տեսուչ Գերշ. Տ . Տաթեւ Արք. Սարգիսեանի ձեռամբ: Նոյն թուականին քահանայ ձեռնադրուած Բերիոյ Հայոց Թեմի Բարեջան Առաջնորդ Գերշ. Տ. Սուրէն Արք. Գաթարոյեանի ձեռամբ, վերակոչուելով Տաթեւ Քահանայ:
1985-1987 հոգեւոր հովիւ նշանակուած է Սուրիոյ Հիւսիսային շրջանի Ռաքքայի եւ Թէլ Ապեատի, ինչպէս նաեւ Ռաքքայի Ազգ. Նուպարեան Վրժ. Ուսուցիչ եւ տնօրէն ապա 1987-1995 Հոգեւոր հովիւ Հալէպի Ս. Գրիգոր Լուսաորիչ Եկեղեցւոյ: 1995-էն մինչ 2018 Հոգեւոր Հովիւ եղած է Հալէպի Ս .Աստուածածին Եկեղեցւոյ:
Ստացած շնորհաբաշխումներ .
1992-ին Լանջախաչ կրելու իրաւունք:
2003-ին Ծաղկեալ Փիլոն կրելու իրաւունք:
2007-ին Աւագութեան տիտղոս:
Ստացած է զանազան պաշտօններ ուսուչական, հոգեւոր խոհրդատուիի, միջեկեղեցական պաշտօններ, Սուրբ Գրոց Ընկերակցութեան Ներկայուցիչ եւ այլն: Ապրիլ 2019-ին, Տաթեւ Աւագ Քահանան կը միանայ Գանատայի Հայոց Թեմի հոգեւորականաց դասուն եւ կը վառէ զանազան պաշտօններ Գանատայի Հայոց Թեմի Ազգային Առաջնորդնարանէն ներս: Օգոստոս 2019-ին, Բաբգէն Արքեպիսկոպոսի տնօրինութեամբ ան կը նշանակուի Ծխատէր Քահանայ եւ Օգնական Հովիւ Թորնոթոյի Ս. Աստուածածին Եկեղեցւոյ:
ՀԱՂՈՐԴԱԳՐՈՒԹԻՒՆ