«Բաց Վէրքեր։ Հայեր, Թուրքեր եւ Դար մը Ցեղասպանութիւն» Գիրքին Շնորհահանդէսը Գանատայի մէջ


Պատմաբան, լրագրող եւ քաղաքական վերլուծաբան Վիգէն Չըթըրեան 2015ին հեղինակած է գիրք մը, ուր կ՚արծարծուին հայ եւ թուրք յարաբերութիւնները, քրտական հարցը եւ անցնող 100 տարուան ընթացքին տարածաշրջանի աշխարհաքաղաքական վիճակը։ «Բաց Վէրքեր։ Հայեր, Թուրքեր եւ դար մը ցեղասպանութիւն» հատորը կը կեդրոնանայ նաեւ յետ-ցեղասպանութիւն ժամանակաշրջանին վրայ։

 Վերոնշեալ գիրքին շնորհահանդէսը պիտի կայանայ Գանատայի մէջ։ Շնորհահանդէսը կազմակերպուած է Գանատայի Հայ Դատի յանձնախումբին եւ Համազգային Հայ Կրթական եւ Մշակութային միութեան կողմէ։

Open Wounds։ Armenians, Turks and a Century of Genocide

Հեղինակ՝ Դոկտ. Վիգէն Չըթըրեան – Phd in History and Politics of International Relations

Չորեքշաբթի 6 Սեպտեմբեր 2017, երեկոյեան ժամը 8։00ին, Մոնթրէալի Հայ կեդրոնի Աւետիս Ահարոնեան սրահէն ներս:

Հինգշաբթի 7 Սեպտեմբեր 2017, երեկոյեան ժամը 8։00ին, Թորոնթոյի Հայ կեդրոնէն ներս: