Զարեհ Աւագ Քհյն. Զարգարեան Վ. Պետրոսեանի (ձախին) եւ Զ. Խաչիկեանի ներկայութեան կը կատարէ ՙԿարսէն Քարշ՚ ցուցահանդէսին բացումը:
Այս տարի լրանում է Թորոնթոյի Ս. Երրորդութիւն Հայց. Առաքելական եկեղեցու 90ամեակը: Այդ առիթով եկեղեցու հովանու ներքոյ գործող Բարեւ մշակութային կենտրոնը կազմակերպել է լուսանկարիչ Զավեն Խաչիկյանի ՙԿարս էն Քարշ՚ խորագրի ներքոյ ընթացող անհանտական ցուցահանդէսը, որի բացումը տեղի է ունեցել նոյեմբերի 2-ին` եկեղեցու ՙՄարալ Իշխանեան՚ սրահում: Զավեն Խաչիկյանը Երեւանից Թորոնթօ էր մեկնել ներկայ գտնուելու իր աշխատանքների ցուցահանդէսին:
Պատմական հայրենիքի, արցախեան շարժման, Հայաստանի բնապատկերների, ինչպէս նաեւ յայտնի ու անյայտ մարդկանց դիմանկարները մեծ հետաքրքրութիւն առաջացրին ցուցահանդէսի բացմանը ներկայ գտնուողների մօտ: Տարեց ու երիտասարդ մարդիկ զննում« հիանում էին լուսանկարներով, հարցեր ուղղում լուսանկարչին, յիշողութեան գիրկն ընկնում՝ նորից վերապրելով իրենց հայրենիքի հանդէպ կարօտն ու սէրը:
Ցուցահանդէսի բացմանը յատուկ խօսքով է հանդէս եկել Գանատահայոց թեմի փոխառաջնորդ, Ս․ Երրորդութիւն եկեղեցու հոգեւոր հովիւ Զարեհ Ա. Քհնյ. Զարգարեանը: Ցուցահանդէսի բացմանը ներկայ է եղել նաեւ դերասան Վարդան Պետրոսյանը:
Նոյն օրը արուեստասէրները հնարաւորութիւն են ունեցել զրոյց-քննարկում ունենալ լուսանկարիչ Զավեն Խաչիկյանի հետ: Զրոյցը վարել է լրագրող Մերի Մուսինյանը:
Զավէն Խաչիկյանի լուսանկարները յայտնվել են Բրիտանական գրադարանի, ՙParis-Musees՚-ի, Ինդիանա համալսարանի մամուլի և շատ այլ հրատարակչութիւնների հրատարակած մէկ տասնեակից աւելի գրքերում: Խաչիկյանն իր թեմատիկ աշխատանքների ցուցահանդէսներ է կազմակերպել ԱՄՆ-ում, Եվրոպայում, Ռուսաստանում և Հայաստանում: Ստացած մրցանակների թւում են ՙՏարուայ լաւագոյն ֆոտոլրագրող՚ և ՀՀ Նախագահի մրցանակը:
Թորոնթոյի Բարեւ կենտրոն