«Արմենփրես»,- Յունահռոմէական ոճի ըմբշամատի Հայաստանի հաւաքականի անդամ, աշխարհի եւ Եւրոպայի ախոյեան Մաքսիմ Մանուկեան յաղթեց Պուլկարիոյ միջազգային ախոյեանութեան:
Պուլկարիոյ Ռուսէ քաղաքին մէջ ընթացող Տան Քոլովի եւ Նիքոլայ Փեթրովի յուշամրցաշարքին 87 քկ․ դասակարգի եզրափակիչ փուլին միայն 50 երկվայրկեանին մէջ 8:0 հաշիւով յաղթեց Ճափոնի մարզիկին: Մաքսիմին այս տարուան առաջին մետալն է ասիկա:
Աւելի առաջ` Հայաստանի մէկ այլ մարզիկ` Սարգիս Քոչարեան 82 քկ․ դասակարգին դարձաւ պրոնզէ մետալակիր: