ՀՅԴի Նորաստեղծ Յանձնախումբերը` Իւրօրինակ Այլընտրանքային Կառավարութիւն


ՀՅԴն` կառավարութեան կառուցուածքին ու Ազգային ժողովի յանձնաժողովներու գործունէութեան հետեւելու նպատակով` ծրագրած է կազմել այլընտրանքային նախագծերու և մօտեցումներու մշակումներով զբաղող յանձնախումբեր: Փետրուար 12ին լրագրողներուն յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեան` աւելցնելով, որ այդ յանձնախումբերը, ըստ էութեան, պիտի դառնան իւրօրինակ այլընտրանքային կառավարութիւն:

Ներկայ դրութեամբ ձևաւորուած է 11 յանձնախումբ, որոնք են`

  1. Էկոնոմիկա, ներդրումներ, հարկային քաղաքականութիւն և հանրային ֆինանսներ
  2. Կրթութիւն, գիտութիւն
  3. Արտաքին քաղաքականութիւն, Սփիւռք և հայրենադարձութիւն
  4. Սոցիալական հարցեր
  5. Գիւղատնտեսական, բնական պաշարներ
  6. Ազգային անվտանգութիւն, պաշտպանութիւն, Արցախ
  7. Արդարադատութիւն, մարդու իրաւունքներ և Սահմանադրութիւն
  8. Մշակոյթ, երիտասարդութիւն և սպորտ
  9. Տարածքային կառավարում, ենթակառուցուածքներ և տեղական ինքնակառավարում
  10. Առողջապահութիւն
  11. Շրջակայ միջավայր

ՀՅԴ ԳՄ ներկայացուցիչին խօսքով` յանձնախումբերու ստեղծման նպատակը պիտի ըլլայ կառավարութեան ծրագրի ուսումնասիրութիւնը, առաջարկներ կատարելը եւ կառավարութեան գործողութիւններուն վրայ ուշադրութեամբ հետեւիլը:

«Մեր առաջարկութիւնները և ուսումնասիրութիւնները  մինչև շաբաթուայ վերջը կը հրապարակուեն: Մենք համարում ենք, որ կառավարութեան գործողութիւնների ծրագիրը պիտի մի շարք չափորոշիչների և պահանջների համապատասխանի: Պէտք է լինի օրէնք` այդ չափորոշիչները սահմանելու համար», ընդգծեց Սաղաթելեան: