«Արմենփրես»․- Հայոց Ցեղասպանութեան մասին պատմող հոլիվուտեան «Խոստումը» ֆիլմը Ապրիլ 4ին ցուցադրուած է Վատիկանի մէջ:
Ցուցադրման ներկայ եղած են ֆիլմի բեմադրիչ Թերի Ճորճ, արտադրող Էրիք Իսրայէլեան, ֆիլմի սաունդթրեքի հեղինակ Քրիս Քորնըլ, յայտնի դերասաններ Շորեհ Աղտաշլու եւ Ճէյմս Քրոմուէլ:
Էրիք Իսրայէլեան յիշատակած է նախորդ տարի Հռոմի Ֆրանչիսկոս պապի` Հայաստան կատարած այցը` պատմելով, թէ ինչպիսի հիացում յառաջացուցած է հաւատաւոր հայերուն մէջ անոր կողմէ «ցեղասպանութիւն» եզրոյթին կիրառումը: «Երբ Վատիկանի մէջ տեղեկացան ֆիլմի պատրաստման մասին, կապուեցան մեզի հետ` կազմակերպելու ֆիլմի ցուցադրութիւնը», յայտնած է ան:
Յիշեցնենք, որ «Խոստումը» ֆիլﬕ նկարահանման ծախսերը հոգացած է աﬔրիկահայ գործարար, ﬕլիառատէր Քըրք Քըրքորեան։
