Ազրպէյճանական չորս անօդաչու թռչող սարքեր (ԱԹՍ) յայտնուած են Կոտայքի եւ Գեղարքունիքի մարզերու օդային սահմաններուն վրայ, տեղեկացուց վարչապետ Նիկոլ Փաշինեան: Ըստ անոր` անոնք բոլորն ալ խոցուած են:
«Հայաստանի ՀՕՊ ուժերը արդէն իսկ ոչնչացրել են դրանցից երեքին: Ընթանում է չորրորդի տեղորոշման եւ չէզոքացման գործընթացը», գրեց ան իր ֆէյսպուքեան էջին:
Վայրկեաններ անց վարչապետը տեղեկացուց, որ չորրորդ ԱԹՍ-ն ալ խոցուած է:
«Հանդարտ, վստահ եւ դուխով: Յաղթելու ենք», գրեց վարչապետը:
Ըստ Հակաօդային պաշտպանութեան տեղորոշման տուեալներուն, Երեւանի ժամանակով ժամը 00:15-ի դրութեամբ Հայաստանի Զինուած Ուժերուն կողմէ խոցուած է չորս ԱԹՍ` մէկը Կոտայքի, եւս երեքը Գեղարքունիքի մարզին մէջ, Ֆեյսպուքի իր էջին միջոցով տեղեկացուց ՀՀ պաշտպանութեան նախարարի մամուլի քարտուղար Շուշան Ստեփանեանը:
«Բոլոր խոցուած անօդաչուները եղել են հետախուզական: Այսպիսով, ՀՀ օդային տարածքում այսօրուայ ընթացքում ընդհանուր առմամբ խոցուել է 7 անօդաչու», գրած է ան: