12 Յունուար ժամը 9:00 (թարմացուած)
__________________________________________
Հայ-ազրպէյճանական սահմանի արևելեան ուղղութեամբ ազերիներու իրականացուցած բուռն հրաձգութեան պատճառով կէս գիշերին յայտնաբերուած է եւս մէկ հայ զինուորի՝ շարքային Վահան Բաբայեանի (ծն․ 2003-ին) մարմինը։
21:30 (թարմացուած)
________________________
ՀՀ պաշտպանութեան նախարարութիւնը կը հաղորդէ, որ հայկական կողմը ունի երկու նահատակ․ ՀՀ ՊՆ N զորամասի զինծառայողներ՝ 2002-ի ծնունդ շարքային Արթուր Մխիթարեանը և կրտսեր սերժանտ Ռուդիկ Ղարիբեանը ։
Եւս երկու զինծառայողներ վիրաւոր են, անոնց կեանքին վտանգ չի սպառնար։
Ժամը 21։00-ի դրութեամբ իրավիճակը հայ-ազրպէյճանական սահմանին յարաբերականօրէն կայուն է։
____________________________
Յունուար 11-ին, ժամը ժամը մօտ 15-ին, Ազրպէյճանի Զինուած Ուժերու ստորաբաժանումները Գեղարքունիքի մարզի Վերին Շորժայի հատուածին մէջ գտնուող հայկական մարտական դիրքերուն ուղղութեամբ կրակ բացած են՝ օգտագործելով նաեւ հրետանային միջոցներ եւ անօդաչու թռչող սարքեր: Հայկական կողմը դիմած է համարժէք գործողութիւններու: Ժամը 18:30-ի դրութեամբ փոխհրաձգութիւնը կը շարունակուի:
Հայկական կողմի կորուստներուն մասին տուեալները կը ճշդուին: Այս պահուն յայտնի է երեք վիրաւորի մասին:
Իրավիճակին մասին յետագայ զարգացումներուն մասին Պաշտպանութեան նախարարութիւնը պարբերաբար հանդէս պիտի գայ հաղորդագրութիւններով: