«Հետք»․- «Հայկական ճարտարապետութիւնն ուսումնասիրող հիմնադրամ»ը 2009էն եռաչափ (3D) տարբերակով կը վերականգնէ հայկական միջնադարեան Անի քաղաքը:
Ինչպէս յայտնած է պատմամշակութային յուշարձաններու եռաչափ վերականգնող Պարգեւ Ֆրանկեանը` այս տարիներու ընթացքին հնարաւոր եղած է վերականգնել Անիի գրեթէ 60 տոկոսը: Ան կը կարծէ` քաղաքը ամբողջական վերականգնել պիտի կարենան երեք տարիներու ընթացքին:
«Այս նախաձեռնութեան նպատակը հայկական պատմամշակութային ժառանգութիւնը, որ կը գտնուի Հայաստանի Հանրապետութեան սահմաններէն դուրս, պահպանելն ու փոխանցելն է», կ՛ըսէ Ֆրանկեան:
Վերականգման աշխատանքներ իրականացնելու նպատակով ստեղծուած աշխատանքային խումբին մէջ կ՛աշխատին ճարտարապետ, պատմաբան, յուշարձանագէտ:
Նախնական նաեւ կը փորձեն interactive կերպով վերականգնել քաղաքին տեսքը, որ հնարաւորութիւն պիտի տայ մարդոց vitual կերպով մուտք գործելու քաղաքի շինութիւններ, ներսէն ծանօթանալու անոնց ճարտարապետութեան: