Արցախի Պետական Համալսարանի շէնքը
Արցախի Պետական Համալսարանը վերաբացած է իր դռները ուսանողներուն առջեւ։
Արցախի պետական համալսարանի տնօրէն Արմէն Սարգսեան Դեկտեմբեր 2-ին հանդիպած է լրագրողներու հետ և խօսած համալսարանի ընելիքներուն մասին: Հիմնական նորությունը այն է, որ Դեկտեմբեր 1-էն Արցախի մայր համալսարանին մէջ վերսկսած են դասերը աւանդական եղանակով: Դասերը տեղի կ՛ունենան երկու հերթով:
Համալսարանի տնօրէնը տեղկացուցած է, որ յարգելի բացակայութիւններու պատճառով որևէ ուսանող պետք չէ տուժէ, քանի որ կան հարիւրաւոր ուսանողներ, որոնք կամ Արցախի տեղահանուած բնակավայրերէն են և ներկայիս ունին կացութեան խնդիր, կամ ալ կորսնցուցած են իրենց հարազատները:
Ըստ անոր՝ յառաջիկային այդ ուղղութեամբ Արցախի կառավարութիւնը որոշում պիտի կայացնէ:
Նշենք, որ Արցախի Հանրապետութեան նախագահ Արայիկ Հարութիւնեան իր նախընտրական քարոզարշաւի ընթացքին և անկէ ետք յայտարարած էր, որ Արցախի Պետական Համակսարանի պակալաւրի ուսուցման համակարգի ուսանողները պիտի ուսանին անվճար և անոնց ուսման վարձավճարը պիտի փոխհատուի Արցախի կառավարութեան կողմէ: