«Արմենփրես»․- Բռնցքամարտի Հայաստանի հաւաքականի անդամ, Ողիմպիական խաղերու մասնակից Յովհաննէս Պաչքով դարձաւ Եւրոպայի ախոյեանութեան ոսկէ մետալակիր:
Ուքրանիոյ Խարքով քաղաքին մէջ տեղի ունեցած Եւրոպայի ախոյեանութեան 64 քկ․ դասակարգի եզրափակիչին Հայաստանը ներկայացնող Յովհաննէս Պաչքով կը մրցէր անգլիացի Լիւք Մքքորմակի հետ: Հայ բռնցքամարտիկը յաղթեց 5:0 հաշիւով:
Յովհաննէս Պաչքով 24 տարեկան է: Ծնունդով գիւմրեցի է: Մասնակցած է Ռիօ տէ Ժաներոյի 31րդ ամառնային Ողիմպիական խաղերուն:
Բռնցքամարտով կը զբաղի 7 տարեկանէն: