Գանատահայոց թեմի Պատգամաւորական 36-րդ ժողովի մասնակիցները:
Մատաթ Բ. Մամուրեան
Գանատահայոց թեմի հիմնադրութեան 3 ամեակի (1984-2019) զուգադիպող թեմի Պատգամաւորական 36-րդ ժողովը գումարուեցաւ մայրաքաղաք Օթթաուայի մէջ, 24-25 Մայիս 2019-ին, նախագահութեամբ` Աբգար Եպս. Յովակիմեանի եւ հիւրընկալութեամբ` Ս. Մեսրոպ Հայց. Առաք. եկեղեցւոյ: Թեմի հոգեւորականաց համագումարը տեղի ունեցաւ Մայիս 24-ին. նոյն երեկոյ տեղի ունեցաւ ժողովի առաջին նիստը, մասնակցութեամբ թեմիս հոգեւորականներուն եւ ութը եկեղեցիներու պատգամաւորներու. ներկայ էին նաեւ Առաջնորդի թեկնածուներ Ս. Էջմիածնի միաբաններէն Ներսեհ վրդ. Խալաթեան եւ Իսահակ վրդ. Պօղոսեան:
Ժողովի Ատենապետ ընտրուեցաւ Ժան Ֆիլիփ Թաշճեան, ատենադպիրներ` Միւռոն Քհնյ. Սարգիսեան (հայերէն) եւ Հիլտա Թուրշուճուեան-Չաքար (անգլերէն), խորհրդարանական նշանակուեցան` Վազգէն Ալթունեան եւ Շահին Սոհէյլի, գնահատանքի անդամներ նշանակուեցան Մկրտիչ Գանոնճեան եւ Մատաթ Բ. Մամուրեան: Հիւրընկալ ծուխի անունով բարի գալուստի եւ ժողովի յաջողութեան խօսքերով հանդէս եկաւ Հայ Արի Քհնյ. Թանաշեան, ապա Գանատայի մէջ Հայաստանի Հանրապետութեան հիւպատոս` Արա Մկրտիչեան ելոյթ ունեցաւ ողջոյնի խօսքով:
Ողջոյնի նամակներ ուղարկած էին Գանատայի դաշնակցային կառավարութեան վարչապետ` Ճասթին Թրուտօ, Օնթարիօ նահանգի վարչապետª Տակ Ֆորտ եւ Օթթաուայի քաղաքապետ Ճիմ Վաթսըն:
Տ. Զարեհ Ա. Քհնյ. Զարգարեան, ներկայացուց հոգեւորականաց ժողովի տեղեկագիրը, որմէ ետք ներկայացուեցաւ Առաջնորդարանի հովանիին ներքոյ գործող յարակից մարմիններու տեղեկագիրները: Ժողովականները յոտնկայս ունկնդրեցին Գարեգին Բ. Ամենայն Հայոց Կաթողիկոսի օրհնութեան եւ բարեմաղթանքի խօսքերը£ Առաջնորդարանի դիւանապետª Լեւոն Իսախանեան ներկայացուց 2018 տարուան գրասենեակային աշխատանքները: Ժողովի Ա. նիստը վերջ գտաւ Սրբազան Հօր ՙՊահպանիչ՚ով:
Երկրորդ նիստը տեղի ունեցաւ Շաբաթ, 25 Մայիսի առաւօտեան ժամը 9.00ին: Աբգար Սրբազան ներկայացուց տարեկան հաշուետուութիւնը եւ Գանատայի մէջ իր ծառայութեան ամփոփող զեկոյցը: Շնորհակալական խօսք ուղղեց Վեհափառ Հօր, Թեմի հոգեւոր դասին, Թեմական խորհուրդին, Ծխական խորհուրդներուն, Պատգամաւորներուն եւ բարերարներուն, որմէ ետք Առաջնորդ Սրբազան Հայրը Միսիսոկայի Ս. Վարդան Հայց. Առաք. եկեղեցւոյ հովիւ` Միւռոն Քհնյ. Սարգիսեանին շնորհեց լանջախաչ կրելու իրաւունք, առ ի գնահատանք երկարամեայ իր ծառայութեան:
Թեմական Խորհուրդի տեղեկագիրը ներկայացուց Ատենապետ Օհան Օհաննէսեան: Յաջորդաբար ներկայացուեցան Աւանդապահ մարմնի եւ նիւթական տեղեկագիրները, ինչպէս նաեւ 2019 ի նախահաշիւը:
Ճաշի դադարէն ետք գումարուեցաւ երրորդ նիստը, ուր տեղի ունեցաւ Թեմական խորհուրդի երեք անդամներու մասնակի ընտրութիւնը. անդամներ ընտրուեցան, Կոմիտաս Քհնյ. Միրզախանեան, Ժիրայր Տոլար եւ Մկրտիչ Գանոնճեան, Արամ Իշնար (անձնափոխանորդ). Կալուածոց մարմնի անդամ ընտրուեցաւ Դոկտ. Արշաւիր Կէօնճեան: Տեղի ունեցաւ նաեւ հաշուեքննիչ եւ ընտրողական յանձնախումբերու ընտրութիւնները:
Համաձայն Թեմի Ծրագիր-Կանոնագրի, եւ 40 պատգամաւորներու ներկայութեան, Ժողովը երկրորդ անգամ ըլլալով Գանատահայոց Թեմի Առաջնորդ վերընտրեց Աբգար Եպս. Յովակիմեանը:
Թեմի հոգեւորաց դասի անունով Զարեհ Աւագ Քհնյ. Զարգարեան, շնորհաւորեց վերընտրեալ Առաջնորդ Սրբազան Հայրը եւ յաջողութիւն մաղթեց ստանձնած պաշտօնին առնչութեամբ: Նորընտիր Առաջնորդը իր անդրանիկ պատգամը ուղղեց ներկաներուն, երախտագիտութիւն յայտնեց Ամենայն Հայոց Կաթողիկոսին: Այնուհետեւ, Սրբազան Հայրը շնորհակալութիւն յայտնեց Թեմի հոգեւոր հովիւներուն, թեկնածուներուն եւ պատգամաւորներուն, սոյն պաշտօնը իրեն վստահելուն համար:
Գնահատանքի Յանձնախումբի տեղեկագիրը ընթերցեց Մատաթ Բ. Մամուրեան: Որոշուեցաւ Պատգամաւորական 37-րդ ժողովը գումարել Մոնթրէալի Ս. Գրիգոր Առաջնորդանիստ մայր եկեղեցւոյ համայնքի հիւրընկալութեամբ, Մայիս 29-31, 2020-ի շաբաթավերջին:
Ժողովը վերջ գտաւ Առաջնորդ Հօր ՙՊահպանիչ՚ով:
Շաբաթ, 25 Մայիսի երեկոյեան ՙThe Helenic Banquet Centre՚ ի մէջ տեղի ունեցաւ ճաշկերոյթ եւ ծուխի հիմնադրութեան 40ամեակի տօնակատարութիւն. գործադրուեցաւ գեղարուեստական յայտագիր մը, ուր սրտի խօսքերով հանդէս եկան Առաջնորդ Սրբազան հայրը, Հայ Արի Քհնյ. Թանաշեան, Օհան Օհաննէսեան եւ Ժան Ֆիլիփ Թաշճեան: Երեկոյթը իր աւարտին հասաւ զուարթ մթնոլորտի մէջ:
Կիրակի Մայիս 26-ին, Հայաստանի դեսպանատան մէջ տեղի ունեցաւ ընդունելութիւն` ի պատիւ թեմական պատգամաւորներու: