Կապահ-Աղուանի այլընտրանքային ճանապարահատուածի կառուցումը
“Թորոնթոհայ”,- Տաթեւէն Աղուանի 43 քիլոմեթրանոց ճանապարհահատուածը պատրաստ պիտի ըլլայ մինչեւ Նոյեմբերի վերջը: Անիկա Կապան-Գորիս միջպետական ճանապարհի այլընտրանքային երթուղին է։ Կառավարութիւնը 8 միլիառ 900 միլիոն դրամ յատկացուցած է, որ ռազմավարական նշանակութեան այս հատուածը արագ կառուցուի:
Նշենք, որ ազերիները Օգոստոս 26-ին փակեցին Հայաստանի Սիւնիքի մարզի Գորիսէն Որոտան տանող ճանապարհը: Իսկ մէկ օր առաջ ալ անոնք փակած էին Կապան համայնքի Դաւիթ Բէկ գիւղին (Շուռնուխ-Կարմրաքար հատուած) մօտէն անցնող միջպետական ճանապարհը:
Իսկ արդէն Սեպտեմբեր 12-էն դիմակով եւ զինուած ազերիներ Որոտանի հատուածին վրայ Իրանէն եկող բերռնատար մեքենաները կը կանգնեցնեն եւ կը ստուգեն վարորդներուն փաստաթողթերը եւ՝ ըստ իրանցի վարորդներուն՝ գումար կը պահանջեն։
Գորիս-Կապան ճանապարհի 21 քիլոմեթրանոց հատուածի որոշ տեղեր խնդրայարոյց դարձան պատերազմին հետեւանքով․ Քաշաթաղի շրջանի Որոտան (Ղուբաթլու) համայնքի եւ Կովսական (Զանգելան) Ազրպէյճանին յանձնելէն ետք` ճանապարհի որոշ հատուածներ դարձան վիճելի տարածքներ։ Այդ հատուածներուն մէջ ալ ազրպէյճացիները սկսան ցուցանակներ ու դրօշներ տեղադրել: Սիւնքի մէջ տարակուսանք յայտնեցին, թէ ինչպէս հայկական բնակավայրերը իրարու կապող ճանապարհները ազրպէյճանական կը դառնան, իսկ Հայաստանի պետական պաշտօնեաներ հիմնաւորեցին, որ խորհրդային քարտէզներուն մէջ` այդ ճանապարհներով ազրպէյճանցիք ու հայերը համատեղ կ՛երթեւեկէին։
Իր հերթին Նիկոլ Փաշինեան Խորհրդարանին մէջ տուած ելոյթի ժամանակ ըսաւ, թէ իր կարծքով՝ Սիւնիքը Հայաստանէն կտրուած չէ եւ կը կառուցուի այլընտրանքային ճանապարհ՝ Կապան-Աղուանի հատուածը։