«Թերթ»․- Թուրք սիւնակագիրներէն Փընար Տողուն թրքական հեղինակաւոր t24.com.tr կայքին մէջ անդրադարձած է Հայոց ցեղասպանութեան 102րդ տարելիցին:
Տողուն կոչ ըրած է թուրք ժողովուրդին բանալու աչքերը ու առերեսուելու պատմութեան, խօսելու Թուրքիոյ մէջ մնացած հայերու հանդէպ վերաբերմունքին, հայ համայնքի ապրած դժուարութիւններուն ու անդառնալի կորուստներուն մասին:
Ան մասնաւորապէս գրած է․
«Պատահա՞ծ է, որ ձեր իսկ հայրենիքին մէջ դուք ձեզ օտար զգաք:
«Կրնա՞ք հանգիստ սրտով պատասխան տալ, երբ ձեզի հարցնեն, թէ ուրկէ՞ էք: Ձեր երեխայի անուան, կրօնի եւ մայրենի լեզուի պատճառով որեւէ ատեն դժուարութիւններ ունեցա՞ծ էք անոր դպրոց արձանագրելու ատեն:
«Իսկ պատահա՞ծ է, որ շատ աչքի չիյնալու համար թաղամասի յետին նեղլիկ փողոցներով տուն երթաք:
«Երեւէ ատեն ստիպուած եղա՞ծ էք լքելու ձեր հողը, տունը:
«Ձեր խանութի ցուցափեղկերը փակա՞ծ են, ձեր ունեցուածքը բռնազաւթա՞ծ են երբեւէ:
«Անոնք իրենց կերած ափսէին մէջ թքող մարդիկ չեն: Անոնք մարդիկ են, որոնց հետ նոյն ափսէէն հաց կերած ենք:
«Եթէ դուք մոռցած էք այդ մասին կամ մոռցնել տուած` դեռ չի նշանակեր, որ ատիկա ջնջուած է պատմութեան էջերէն:
«Ռամատանի ժամանակ պահք պահել ստիպելով անոնց կրօնը չենք փոխեր:
«Այսօր անոնց ամենացաւոտ օրն է, ամենամեծ սուգը…»: