Համաճարակի պատճառով դռները ժամանակաւորապէս փակած Թորոնթոյի Հայկական եկեղեցիները այսօր՝ Յունիս 14-ին, վերաբացին իրենց դռները եւ մատուցին Ս. Պատարագ։
Ս. Աստուածածին Հայց. Առաք. Եկեղեցին (St. Mary Armenian Apostolic Church), ընդունեց հաւատացեալները, իր կարողութեան 30%-ով միայն, յարգելով նահանգի յայտարարած վերաբացումի օրէնքը։
Ս. Երրորդութիւն Հայց. Առաք. Եկեղեցին (Toronto Holy Trinity Armenian Apostolic Church) յարգելով կառավարութեան սահամանած առողջապահական օրէնքները ընդունեց մօտ երկու տասնեակ հաւատացեալներ։ Պատարագէն առաջ Թորոնթոյի Scarborough Agincourt ընտրաշրջանի երեսփոխան Արիս Պապիկեան եկեցեղւոյ նուիրեց Օնթարիոյի կառավարութեան կողմէ տրամադրած բժշկական պարագաները՝ դիմակներ, ձեռնոցներ, հականեխիչ նիւթեր։
Ս. Գրիգոր Հայ Կաթողիկէ եկեղեցւոյ (St. Gregory Armenian Catholic Church of Toronto) պատարագին նոյնպէս ներկայ եղան որոշ թիւով հաւատացեալներ։
Իսկ Հայ Աւետարանական եկեղեցին դռները բաց պաշտամունքի պիտի սկսի յաջորդ Կիրակի:
