«Ակօս».- Մինչեւ Հայոց Ցեղասպանութիւնը մեծաթիւ հայ բնակչութիւն ունեցող Մարտինի Տերիքի շրջանի միակ հայը Սուրբ Յարութեան տօնին այցելած է սուրբ Գէորգ եկեղեցի:
5 տարի առաջ Պոլիսէն հայրենի Տերիք վերադարձած Զեքերիա Սապունջուն Սուրբ Յարութեան տօնին միայնակ այցելած է Տերիքի հայկական Սուրբ Գէորգ եկեղեցի, հնչեցուցած է եկեղեցւոյ զանգը, մոմ վառած ու աղօթած:
Եկեղեցիէն ելլելէն ետք Զաքարիան Զատիկը իր երեխաներուն հետ նշելու համար մեկնած է Պոլիս:
