12 Սեպտեմբերին, Ազգային ժողովին մէջ ՀՅԴ պատգամաւոր Ռուզան Առաքելեան Սփիւռքի նախարար Մխիթար Հայրապետեանին հարցուց անոր Սփիւռքի համայնքներու մէջ ներկայացուցիչներ նշանակելու մասին մտադրութեան մասին:
Պատգամաւորը հարցուց, թէ ի՛նչ գործառոյթներ պիտի ունենան այդ անձերը, եւ այդ պարագային ինչո՞վ պիտի զբաղին դիւանագիտական ներկայացուցչութիւնները:
«Նախկին իշխանութիւնների օրօք Սփիւռքի հետ յարաբերութիւնները սահմանափակուած են բացառապէս Սփիւռքէն նիւթական աջակցութիւն ստանալու ակնկալիքներով: Այսօր նոր կառավարութիւնը բոլորովին նոր որակի մօտեցում ունի: Մենք կը գտնենք, որ երկկողմ փոխշահաւէտութեան հիմքի վրայ պէտք է դրուին յարաբերութիւնները: Այսօր մենք պիտի ստեղծենք պետութիւն մը, որ կանգնած պիտի ըլլայ Սփիւռքի թիկունքին:
“Ինչ կը վերաբերի իմ յայտարարութեան՝ կապուած մեր ներկայացուցիչներու հետ, մեր նախարարութիւնը քննարկումներու մէջ է արտաքին գործոց նախարարութեան հետ: Դիւանագիտական մարմիններու գործառոյթներէն չի բխիր ներհամայնքային կեանքին խառնուիլը, այլ գործառոյթներ ստանձնելը: Մեր պայմանական ըսած կցորդները պիտի զբաղին բացառապէս համայնքային խնդիրներով, պիտի երթան դպրոցներ, պիտի հասկնան ներհամայնքային խնդիրները», ըսաւ նախարարը: