«Հայաստան» համահայկական հիմնադրամէն կը տեղեկացնեն, որ հիմնադրամը, բարերար Անդրանիկ Պաղտասարեանի աջակցութեամբ, մօտ 541.331.200 դրամի ներդրում կ՛ընէ անցած տարուն ապրիլեան քառօրեայ պատերազմէն ամենաշատ տուժած գիւղի`Թալիշի զարգացման նպատակով:
Գումարը պիտի ուղղուի գիւղապետարանի, բժշկական կեդրոնի, ակումբի, հանդիսութիւններու տան շէնքի վերակառուցման, գիւղապետարանի եւ հանդիսութիւններու սրահի շէնքերու տարածքի բարեկարգման, 18 տան վերակառուցման եւ վերանորոգման:
Նման ծրագիրներ իրականացուած են նաեւ Մարտակերտի շրջանին մէջ, վերակառուցուած են բազմաթիւ բնակելի տուներ: