Նիկոլ Փաշինեանի եւ Քիմ Քարտաշեանի սելֆին
Հոկտեմբեր 9-ին ՀՀ վարչապետ Նիկոլ Փաշինեան ընդունած է աշխարհահռչակ ամերիկահայ աստղ Քիմ Քարտաշեանը: Անոնք զրուցած են Քիմի այցին ու նպատակներուն մասին:
Վարչապետը հանդիպումէն ետք միասին լուսանկար հրապարակած է` գրելով. «Քիմի հետ պայմանաւորուեցանք, որ ան աւելի յաճախ պիտի գայ Հայաստան»:
Քիմ եւ Քորթնի Քարտաշեանները Հոկտեմբեր 8-ին հիւրընկալուած են նաեւ Հանրապետութեան նախագահի նստավայրին մէջ: Զանոնք ընդունած են նախագահ Արմէն Սարգսեան եւ տիկին Նունէ Սարգսեան:
«Քիմը եւ Քորթնին պատմեցին, որ Հայաստան իրենց այցէն շատ դրական լիցքեր ստացած են», կը նշուի Նախագահի «Ինսթակրամ»-ի էջին մէջ:
Նշենք նաեւ, որ Քիմ և Քորթնի Քարտաշեանները իրենց երեխաներուն հետ Հոկտեմբեր 9-ին այցելեցին Գառնիի տաճար։
ՀՀ Նախագահ Արմեն Սարգսեան եւ Քիմ Քարտաշեան
Քիմ Քարտաշեան, Նունէ Սարգսեան եւ նախագահ Արմէն Սարգսեան, նախագահի նստավայրին մէջ
ՀՀ Նախագահ Արմէն Սարգսեան եւ Նունէ Սարգսեան կը հիւընկալեն Քիմ եւ Քորթնի Քարտաշեանները։
Քիմ Քարտաշեան երեխաներուն հետ՝ Գառնիի տաճարի շրջափակին մէջ։