2018ին Արցախի առողջապահութեան նախարարութեան հիւանդանոցներուն մէջ ծնած է 2204 երեխայ, որոնցմէ 1119ը տղայ, 1085ը` աղջիկ:
Ամէնէն շատ ծնունդները արձանագրուած են Ստեփանակերտի մէջ՝ 1834 երեխայ, ապա Մարտակերտի շրջանին մէջ` 188 երեխայ , այնուհետեւ` Մարտունիի` 124 , Հադրութի` 26 , Քաշաթաղի` 22 եւ Շահումեանի մէջ ` 10 երեխայ:
Արցախէն Հայաստանի հիւանդանոցներուն մէջ ծնած է 132 արցախցի երեխայ:
Արդիւնքով Արցախի մէջ ընդհանուր ծնելիութիւնը տարուան ընթացքին եղած է 2333 երեխայ, որոնցմէ 1179ը `տղայ, 1154ը ` աղջիկ :
Ընդհանուր ծնունդներէն 20ը զոյգեր են։
Յունուար 11ին մամուլի ասուլիսի ժամանակ Արցախի առողջապահութեան նախարար Արայիկ Բաղրեան յայտնած է, որ 2018ին Արցախի մէջ արձանագրուած է 1039 մահուան դէպք, նախորդ տարուան 1150ի դիմաց։