Հայաստանի Հանրապետութեան սփիւռքի նախարարութիւնը, Համաշխարհային հայկական կոնգրէսը եւ Ռուսաստանի հայերու միութիւնը «Հայապահպանութեան գործին մէջ նշանակալի աւանդի համար» 2017ի մրցանակաբաշխութեան ծիրէն ներս կը յայտարարեն մրցոյթներու պայմանները հետեւեալ անուանակարգերուն մէջ`
- «Մայրենիի պաշտպան» (անհատներ),
- «Լաւագոյն հայկական կրթօճախ»,
- «Երիտասարդական, ուսանողական կազմակերպութիւն»,
- «Ազատ Արցախ» եւ «Մայիս` յաղթանակներու ամիս» մանկապատանեկան լաւագոյն ստեղծագործութիւններու մրցոյթ (նկար, քանդակ (լուսանկար), երգ, բանաստեղծութիւն, պատմուածք, շարադրութիւն, էսսէ եւ այլն):
Մրցոյթներուն մասնակցիլ ցանկացողները լրացուած յայտադիմումները պէտք է ներկայացնեն ՀՀ սփիւռքի նախարարութիւն մինչեւ 2017-ի Նոյեմբեր 30:
Մրցոյթներու արդիւնքները կ’ամփոփուին 2017ի Դեկտեմբերին: