«Արմենփրես»․- Մայիս 15ին, Արցախի սահմանի արեւելեան ուղղութեամբ հակառակորդը դիմած է հերթական սադրանքի` կառավարուող հրթիռ արձակելով պաշտպանութեան բանակի ռազմական սարքերու ուղղութեամբ, որուն հետեւանքով մասնակի վնասուած է մէկ ռազմական սարք:
«Ազրպէյճանական զինուժի սադրանքէն Պաշտպանութեան Բանակը մարդկային կորուստ չէ ունեցած: Կը յայտարարենք, որ ազրպէյճանական զինուժի սադրանքը անպատասխան պիտի չմնայ, իսկ հետեւանքներու ամբողջ պատասխանատուութիւնը պիտի կրէ Ազրպէյճանի ռազմաքաղաքական ղեկավարութիւնը»,- գրած է Հայաստանի պաշտպանութեան նախարարի մամուլի քարտուղար Արծրուն Յովհաննիսեան՝ ֆէսպուքի իր էջին մէջ:
