Սօնա Մովսէսեանը «Աշխարհի յոռեգոյն օգնականը» չէ. գիրքի ակնարկ

Սօնա Մովսէսեանին առաջին գիրքը՝ The World’s Worst Assistant-ը («Աշխարհի յոռեգոյն օգնականը») սրամիտ կատակներով, հետաքրքրական ծաղրանկարներով եւ ծիծաղելի պատմութիւններով լի հատոր մըն է: Մովսէսեան ամերիկացի կատակաբան եւ հաղորդավար Քոնըն Օպրայնի անձնական օգնականն է (այժմ նաեւ Օպրայնի հետ փոտքասթ մը կը վարէ), ու գիրքը յատկապէս որպէս օգնական աշխատած տարիներու փորձառութեան (կամ արկածախնդրութեան) մասին է: