Լիբանանի «Վանայ Ձայն» ռատիոկայանի տնօրէն Վիգէն Աւագեան
Հինգշաբթի՝ Յուլիս 9-ի երեկոյեան 8:30-10:00, Գանատայի տարածքին, կազմակերպութեամբ Լիբանանահայութեան Օժանդակութեան Գանատայի Մարմինին, տեղի պիտի ունենայ Թելեթոն՝ ի նպաստ տնտեսական ծանր կացութեան մատնուած Լիբանանի հայ համայնքին։
«Թորոնթոհայ»ի խմբագիր Կարին Սաղտըճեան հարցազրոյց մը կ՛ունենայ Լիբանանի «Վանայ Ձայն» ռատիոկայանի տնօրէն Վիգէն Աւագեանի հետ։ Անոնք կ՛արծարծեն Լիբանանի ներկայ քաղաքական եւ տնտեսական տագնապալի իրավիճակը եւ լիբանանահայութեան դիմագրաւած բազում դժուարութիւնները։
