Րաֆֆի Սարգիսեան
Անբի՛ծ է աչքիս
Սիրտը՝ անարա՛տ,
սէ՛րն ալ անյատակ:
Ազնիւ է հոգին,
ալիքներ ճեղքած,
հարուածէ հարուած
եւս ազնուացած:
Իր ձայնը եղանակ է՝
որ իմ խիղճը կը նուագէ:
Յուսադրիչ մեղեդիներ,
մերթ ծանր, մերթ փափուկ,
միշտ բարութեան յորդոր է:
Ցաւեր է կրած՝ անպատճառ եւ խոցոտուա՛ծ:
Մորմոքն սակայն՝ չեմ տեսած,
իր ծիածան ժպիտով է մի՛շտ քօղարկած:
Այդ ծիածանին գիրկը, ինծի պատսպարած՝
ուր ես անդորր, անքոյթ, անկաշկա՛նդ՝ համարձակ երազներս եմ երազած,
ի՛ր յոյսերով, ի՛մ երազներուս գագաթն եմ բարձրացած, գագաթներո՛ւն տիրացած:
Թորոնթօ, Օնթարիօ, Գանատա