ՀՅԴ ԱԵՄի անդամները Հրաայլ-յուշարձանին առջեւ
«Ապարաժ»,- Հայրենեաց պաշտպանի օրը ՀՅԴ Արցախի Երիտասարդական Միութեան խումբ մը անդամներ այցելեցին Ստեփանակերտի Եղբայրական գերեզմանոց և յարգանքի տուրք մատուցեցին հայրենիքի պաշտպանութեան ժամանակ զոհուած նահատակներու յիշատակին:
Այնուհետև միութեան անդամները բարձրացան Շուշիի հրասայլ-յուշարձանի մօտ։ Պատերազմի օրերուն յուշարձանի տարածքը ենթարկոըած էր հրետակոծութեան, վնասուած է նաև բուն յուշարձանը և ակնհայտ էր, որ անկէ ետք այնտեղ մաքրութեան և վերականորոգութեան աշխատանքներ չեն կատարուած:
Միութեան անդամները տեղւոյն վրայ որոշեցին յուշարձանի տարածքը մաքրել աղբէն, քարերէն ու աւազէն: Ներկայիս յուշարձանը կը գտնուի պատերազմէն ետք հաստատուած նոր սահմաններու մօտ։
ՀՅԴ ԱԵՄի անդամ Վահագն Խաչատրեանի խօսքով՝ Շուշիի հրասայլ-յուշարձանը յաղթանակի խորհրդանիշ է և իրենք յաճախ տօնական օրերուն այնտեղ կ՛այցելեն: Իսկ ներկայիս անմխիթար վիճակը չէր կրնար անտարբեր ձգել երիտասարդները:
«Թեև թշնամիի տիրապետութեան տակ անցած, այնուամենայնիւ, Շուշին և Շուշիի հրաայլ-յուշարձանը պիտի շարունակեն համարուիլ հայ ազգի յաղթանակի և վերածնունդի խորհրդանիշ։ Սերունդները պիտի շարունակեն դաստիարակուիլ յաղթողի հոգեբանութեամբ, և շարունակեն պայքարիլ պատմական արդարութեան վերականգնման համար։ Ցաւը մեծ է, բայց մենք պարտաւոր ենք վերագտնել մենք մեզ և տէր կանգնիլ մեր երկրին ու մեր արժեքներուն։ Այս կը պատգամէ ՀՅԴ Արցախի Երիտասարդական միութեան նախաձեռնութիւնը, որով աւելի արժեւորեցինք այս օրը», նշած է Խաչատրեան:
ՀՅԴ ԱԵՄի անդամները յոյս յայտնած են, որ մաքրութեան աշխատանքներէն ետք համապատասխան մարմինները պիտի զբաղին վերանորոգման աշխատանքներով:
Օրուան վերջը երիտասարդները այցելեցին շարք մը դիրքեր և զինուորները շնորհաւորեցին Հայրենեաց պաշտպանի օրուան առթիւ:
ՀՅԴ ԱԵՄի երիտաարներու Հրաայլ-յուշարձանի տարածքի մաքրութեան աշխատանքներէն պատկերներ