“Արմենփրես”,- Թուրքիոյ խորհրդարանի հայ պատգամաւոր Կարօ Փայլան անդրադարձած է Միացեալ Նահանգներու Ներկայացուցիչներու տան կողմէ Հայոց Ցեղասպանութեան ճանչման:
Ան «Ֆէյսպուք»ի իր էջին վրայ գրած է, որ տասնեակ խորհրդարաններէ ետք Հայոց Ցեղասպանութիւնը ճանչցաւ նաեւ ԱՄՆ Քոնկրեսի Ներկայացուցիչներու պալատը:
«Մեր ցաւը դարձաւ այլ խորհրդարաններու օրակարգի նիւթ, քանի որ մեր երկիրը 105 տարիէ ի վեր կ՚ուրանայ զայն։
Հայոց վէրքերը կրնայ ամոքել միայն Թուրքիոյ խորհրդարանը, որուն մէկ անդամն եմ», նշած է ան:
Յիշեցնենք, որ ԱՄՆ Քոնկրեսի ներկայացուցիչներու տունը Հոկտեմբեր 29-ին տեղի ունեցած իր նիստին ձայներու մեծամասնութեամբ ընդունուեց Հայոց Ցեղասպանութիւնը ճանչցող բանաձեւը: Քուէարկութեան մասնակցած քոնկրեսականներէն կողմ քուէարկեցին 405, դէմ` 11ը:
